Published On: Wed, Aug 14th, 2013

በሃና ዊሊያምስ የፍርድ ጉዳይ ላይ ለመመስከር ከኢትዮጵያ ወደ አሜሪካ የተጝዘው ካሳይ ወልደ ፃድቅ መጥፋቱ ተነገረ

Share This
Tags

የ ሲአትል ፖሊሶች ከኢትዮጵያ ለምስክርነት መጥቶ የጠፋን ኢትዮጵያዊ ዱካ ለማግኘት ፍለጋ ላይ መሆናቸውን ሲአትል ኒውስ ዛሬ ዘገበ፡፡

Hanaካሳይ ወልደ ፃድቅ የተባለው ኢትዮጵያዊ አሜሪካዊያኖቹ ጥንዶች ከኢትዮጵያ በማደጎ ያመጧትን ልጅ ገድላችኋል ተብለው ለተከሰሱበት ወንጀል አቃቢ ህግ ለምስክርነት ማስረጃ ይሆን ዘንድ ብለው ነበር ከኢትዮጵያ ያመጡት፡፡

ካሳይ በፍርድ ሂደት ላይ ላለው ጉዳይ ባለፈው አርብ በማውንት ቬርኖን ካውንቲ ፍርድ ቤት በመቅረብ የመጀመሪያ ዙር ምስክርነቱን ሰጥቶ የነበረ ሲሆን በሚቀጥለው ቀን ከተያዘለት ማረፊያ ክፍል መጥፋቱን አቃቢ ህጎች ለፖሊስ አስታውቀዋል፡፡

አሜሪካዊ ጥንዶቹ ወደ አሜሪካ ላመጧት የ13 ዓመቷ ታዳጊ ሀና ዊሊያምስ ካሳይ የቅርብ ቤተሰብ ሲሆን የምስክርነት ቃሉን ሳይሰጥ መጥፋቱ ብዙዎችን እያነጋገረ ይገኛል፡፡

ለማስረጃነት ይረዳናል ብለው ከኢትዮጵያ ያመጡት አቃቢ ህጎች ጉዳዩን ለፖሊስ ካሳወቁ ጀምሮ ፖሊስ የተጠናከረ አሰሳ በማድረግ ላይ ይገኛል፡፡

የሰባት ቀን ቆይታ ብቻ የተፈቀደለት ኢትዮጵያዊ እስከ እሁድ ድረስ ወደ ሀገሩ እንዲመለስ በፍርድ ሂደት ላይ የነበሩት ዳኛ ወስነውበታል፡፡ ካሳይ የግሉ የነበሩ እቃዎቹን በማረፊያ ክፍሉ በመተው የተሰወረ ሲሆን ፖሊሶች የዳኛን ፍርድ ለማስፈጸም ግለሰቡን በቁጥጥር ስር ለማድረግ በፍለጋ ላይ ይገኛሉ፡፡

ሁለቱ አሜሪካዊ ጥንዶች ከኢትዮጵያ በማደጎ ያመጧትን የ13 ዓመት ታዳጊ ምግብ በመከልከልና በማሰቃየት ገድላችኋል በሚል ወንጀል ተከሰው ጉዳያቸው በፍርድ ሂደት ላይ ይገኛል፡፡

በማደጎ ያመጧት ሀና ዊሊያምስ አሜሪካዊያኖቹ ጥንዶች ግቢ ውስጥ ነበር በ2011 በመጣች በሶስት አመቷ ሞታ የተገኘችው፡፡

በአካሏ ላይ የድብደባ ምልክት የሆኑ ጠባሳዎች በወቅቱ የተገኘባት ሲሆን አሳዳጊዎቹ ከፍተኛ የሆነ በደልን ሲያደርሱባት እንደነበር አቃቢ ህጎች ለፍርድ ቤት በማስረዳት ላይ ናቸው፡፡

አሜሪካዊያኖቹ ጥንዶች ሌላ መስማት የተሳነው ኢትዮጵያዊም ታዳጊ የድብደባና ከፍተኛ በደል በማድረስ በሚል ሌላ ተጨማሪ ክስ ተመስርቶባቸው ይገኛል፡፡

አቃቢ ህግ ለማስረጃነት ያመጣው ግለሰብ በመጥፋቱ አማራጭ ማስረጃን ለመጠቀም መገደዳቸውን ጉዳዩን የያዙት የህግ ባለሙያዎች ተናግረዋል፡፡

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Comment moderation is enabled. Your comment may take some time to appear.

Free Mind - Free Thought - Free Society